Təhlükəsizlik, rahatlıq və səmərəlilik məsələlərinin təmin olunmasına xüsusi diqqət ayıraraq xəstə otaqlarını bu istiqamətdə tərtib etmişik. Xəstəxananın bütün yataq otaqlarının tikinti mərhələsi və avadanlıqların təchiz olunması JCI standartlarına uyğun olaraq həyata keçirilib. Xəstəxananın yataq otaqları tam avtomatlaşdırılmış idarəetmə sisteminə malikdir. Belə ki, audio sistem, havalandırma sistemi, işıqlandırma sistemi müasir elektron avadanlıqlar olan telefon və ya planşetlər üzərindən idarə oluna bilir. Bundan əlavə, hər otaqda yerləşdirilmiş multi-funksional monitor üzərindən otağı tərk etmədən xəstə haqqında onun xəstəxanaya daxil olduğu gündən keçdiyi bütün prosedurlar, radioloji görüntülər, laborator analizlərlə bağlı məlumatları nəzərdən keçirmək və xəstə ilə fikir mübadiləsi aparmaq imkanı var.